Alimlər aşkar ediblər ki, insan antikorları dünyanın ən ölümcül ilanlarının, o cümlədən qara mamba və kral kobrasının zəhərindən qorunmaq üçün əsas ola bilər. Yeni antidotun mövcud olanlardan qat-qat etibarlı olacağı düşünülür. Çünki o, insanlarda tapılan antikora əsaslanacaq.

Bu barədə Aztibb.az medimagazin.com.tr-yə istinadla xəbər verir.

Yeni kəşf uzun müddətdir ilan sancmasına qarşı universal antidot yaratmaq yolunda "ilk addım" kimi qiymətləndirilib.

Dünyada hər il 81.000 ilə 138.000 arasında insan ilan sancmasından ölür. Daha 400.000 insan amputasiya, görmə itkisi və heç vaxt sağalmayan açıq yaralar kimi xəsarətlər alır. Lakin müalicə variantları bir əsrdir ki, demək olar ki, dəyişməz qalıb.

Keçən həftə nəşr olunan yeni bir araşdırmada elm adamları bir neçə təhlükəli ilanın - Hindistanda tüpürən kobra kimi tanınan tək gözlü kobra, ən zəhərli kral kobrası və qara mamba kimi ilanların zəhərindən qoruyan tək bir "insan antikoru" ilə yeni müalicə üsulu təyin ediblər.

Liverpool Məktəbində İlan Sancması Tədqiqatları və Müdaxilə Mərkəzinin rəhbəri, professor Nicholas Casewell, "Bu tədqiqat həqiqətən həyəcan verici bir nəticədir, çünki o, tək bir antikorun ilan sancması kontekstində nə edə biləcəyini göstərir" deyib.