Pasiyent üzərində metal lövhə ilə ostesintez əməliyyatı icra olunub
28.02.2024 14:25
Pasiyent Arzuman Dadaşov ayağında sınıq şikayətilə Akademik M.Ə.Mirqasımov adına Respublika Klinik Xəstəxanasının Travmatologiya şöbəsinə müraciət edib.
 
Xəstəxanadan Aztibb.az-a verilən xəbərə görə, pasiyent həkim-cərrah İlqar İsmayılov tərəfindən laborator, diaqnostik müayinələrdən keçirilib və xəstəyə sağ baldır sümüklərinin qapalı yerini dəyişmiş qəlpəli sınığı diaqnozu qoyulub. Xəstə 19.02.2024-cü il tarixində həkim-cərrahlar İlqar İsmayılov və Ziya Şəmmədli tərəfindən metal lövhə ilə ostesintez cərrahi əməliyyatı icra olunub.
 
2 saat davam edən əməliyyat uğurla başa çatıb.
 
Hazırda xəstənin vəziyyəti stabildir.
 
Pasiyentin ailəsi oğullarına göstərilən diqqət və qayğıya görə xəstəxananın rəhbərliyinə, Travmatologiya şöbəsinin müdiri, həkim-travmatoloq Eldar Əsədli, həkim-cərrahlar İlqar İsmayılov, Ziya Şəmmədli və xəstəxananın əməkdaşlarına təşəkkür ediblər.
Səadət Məmmədova
Müəllifin digər yazıları
ÇOX OXUNANLAR