İnternat məktəblərində maarifləndirici tədbirlər keçirilib
27.02.2024 11:49

Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Elm və Təhsil Nazirliyi ilə birgə əməkdaşlıqla, şagirdlər arasında sağlam həyat tərzinin təbliğinə və sağlamlığın qorunmasına həsr olunan tədbirlər təşkil edilib.

 

Bu məlumat Aztibb.az-a İSİM-dən verilib.

 

Valideyn himayəsindən məhrum olmuş uşaqlar üçün 1 nömrəli tam orta internat məktəb, sağlamlıq imkanları məhdud uşaqlar üçün 5 nömrəli respublika xüsusi internat məktəb, valideyn himayəsindən məhrum olmuş uşaqlar üçün 2 nömrəli tam orta internat məktəb, E.Mirzəyev adına sağlamlıq imkanları məhdud uşaqlar üçün 6 nömrəli respublika xüsusi internat məktəb, E.Quliyev adına sağlamlıq imkanları məhdud uşaqlar üçün 9 nömrəli xüsusi internat məktəb, 8 nömrəli sanatoriya tipli internat məktəb, 10 nömrəli sanatoriya tipli internat məktəb, 11 saylı inteqrasiya təlimli internat məktəb, Sumqayıt şəhəri general M.Əsədov adına inteqrasiya təlimli internat tipli gimnaziya və Sumqayıt şəhər internat tipli gimnaziyada maarifləndirici tədbirlər keçirilib.

 

İSİM-in nümayəndələri – Lətafət Dadaşova, Pərvin Quliyeva, Gülnarə Cəfərova, Sevinc Bağırova, Elnarə İsmayılova iştirakçıları sağlam qidalanma, fiziki aktivlik, ağız boşluğunun gigiyenası, gigiyena qaydaları və qurd xəstəliklərinin profilaktikası, yol hərəkət qaydaları mövzularında təqdimatla çıxış ediblər. İSİM-in nümayəndələri şagirdləri erkən yaşlardan başlayaraq orqanizmin sağlamlığının qeydinə qalmağa, gün ərzində fiziki aktiv olmağa, yol təhlükəsizliyi qaydalarına riayət etməyə çağırıblar.

 

Yekunda iştirakçıları maraqlandıran suallar cavablandırılıb və İSİM tərəfindən hazırlanaraq nəşr edilən materiallar paylanılıb.

Səadət Məmmədova
Müəllifin digər yazıları