Kürdəmir Rayon Mərkəzi Xəstəxanasında Xocalı faciəsinin qurbanları yad edilib.

Xəstəxanadan Aztibb.az-a bildirilib ki, əvvəlcə Xocalıda soyqırımı qurbanlarının və Vətən uğrunda canlarını fəda etmiş bütün şəhidlərimizin əziz xatirəsi bir dəqiqəlik sükutla yad edilib. 

Tədbirdə Kürdəmir Rayon Mərkəzi Xəstəxanasının direktoru Elçin Bilalov çıxış edərək Xocalı soyqırımının Azərbaycan tarixinin ən dəhşətli və faciəli səhifələrindən biri olduğunu bildirib. Xocalı həqiqətlərindən danışan direktor, bu hadisəyə hüquqi-siyasi qiymətin verilməsində Ümummilli lider Heydər Əliyevin rolunu, dünyada tanıdılmasında isə cənab Prezident İlham Əliyevin, Birinci vitse-prezident və Heydər Əliyev Fondunun prezidenti Mehriban xanım Əliyevanın və Fondun birinci vitse-prezidenti Leyla xanım Əliyevanın xüsusi xidmətlərini vurğulayıb.  Bildirib ki, dövlət suverenliyinin bütün ölkə ərazisində bərqərar edilib.

Daha sonra Kürdəmir RMX-nın hüquqşünası Ə.Abdulxalıqov, ictimaiyyətlə əlaqələr üzrə mütəxəssisi E.Cavadova çıxış edərək Ermənistanın Azərbaycana qarşı hərbi təcavüzü nəticəsində törədilmiş Xocalı soyqırımının təfərrüatlarından bəhs edib və bu soyqırımının bəşəriyyətə qarşı cinayət olduğunu vurğulayıblar.