Kolposkopiya müayinəsi uşaqlığın daxilindəki görüntünü 40 dəfə böyütdüyü üçün xərçəngönü xəstəliklərin aşkarlanmasında ciddi əhəmiyyətə malik müayinə metodudur.

Aztibb.az xəbər verir ki, bu barədə Respublika Diaqnostika Mərkəzinin cərrah-ginekoloqu Pərvin Mikayılzadə məlumat verib.

Həkimin sözlərinə görə, kolposkopiya Pap və HPV testlərinin nəticəsi qənaətbəxş olmayan pasiyentlərə xüsusilə tətbiq edilməlidir.

P.Mikayılzadə bildirib ki, bu müayinə təxminən yarım saat ərzində həyata keçirilir və pasiyent üçün yerli anesteziyadan istifadə olunur.