Samux Rayon Mərkəzi Xəstəxanasının Cərrahiyyə şöbəsinin müdiri vəzifəsinə yeni təyinat olunub. Sözügedən vəzifə Edilxanov Elxan Xalıqverdi oğluna həvalə olunub.
Bu məlumat Aztibb.az-a Xəstəxanadan verilib.
Bildirilib ki, Edilxanov Elxan Xalıqverdi oğlu 17 aprel 1972-ci ildə Kəlbəcər rayon Zəylik kəndində anadan olub. 1988-1994-cü illərdə Azərbaycan Dövlət Tibb Universitetinin Müalicə-profilaktika fakültəsində ali təhsil alıb. 1994-1996-cı illərdə Gəncə şəhər Kəlbəcər Rayon Mərkəzi Xəstəxanasında internatura keçib və onkoloq vəzifəsində çalışıb.
O, ön cəbhə hospitalında baş ordinator cərrah, tibb bölüyü komandiri aparıcı cərrah, Gəncə hospitalında cərrah kimi fəaliyyət göstərib. 2007-2010-cu illərdə Kəlbəcər Rayon Mərkəzi Xəstəxanasında, 2010-2017-ci illərdə Dəliməmmədli şəhər xəstəxanasında, 2017-2019-cu illərdə Gəncə şəhər Z.Məmmədov adına Təcili tibbi yardım xəstəxanasında cərrah işləyib.
Həkim 2017-ci ildə laparoskopik kursdan keçib sertifikata layiq görülüb.
2019-2021-ci illərdə Gəncə Dəmiryol Xəstəxanasında Cərrahiyyə şöbəsinin müdiri vəzifəsində çalışıb. 2021-2024-cü illərdə Kəlbəcər hospitalının Cərrahiyyə bölməsinin rəisi olub.
_191.jpg "İnfarktdan sonra ürəyi zədələnmələrdən qorumağın yolu tapılıb")
