ATU-da maarifləndirici tədbir keçirilib  
23.02.2024 11:36
Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Azərbaycan Tibb Universitetində (ATU) sağlam həyat tərzi və düzgün yuxu rejiminin insan həyatında roluna həsr olunan maarifləndirici tədbir keçirilib.
 
İSİM-dən Aztibb.az-a verilən məlumata görə, tədbir gənc nəsli sağlam həyat tərzi və düzgün yuxu rejimi barədə məlumatlandırmaq məqsədilə təşkil olunub.
 
Mərkəzin Monitorinq və təhlil şöbəsinin müdir muavini Zümrüd Kazımova “Sağlam həyat tərzi. Yuxu pozğunluqları” mövzusunda geniş təqdimatla çıxış edərək sağlamlığın qorunması, sağlam həyat tərzinin üstünlüyü, yuxusuzluğun fəsadları haqqında ətraflı məlumat verib. Yuxu rejiminin idrak və dərketmə prosseslərinə təsir etdiyi vurğulanıb və gənclərə sağlam, düzgün yuxu rejiminə riayət etmək tövsiyə olunub.
 
Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim olunub.
Səadət Məmmədova
Müəllifin digər yazıları