Türkiyənin ilk robotlaşdırılmış giroskopik radiocərrahiyyə cihazı Hacettepe Universiteti Tibb Fakültəsi Onkoloji Xəstəxanasında istifadəyə verilib.

Aztibb.az-ın medimagazin.com.tr-yə istinadla xəbərinə görə, istifadəyə verilən cihazla bağlı mətbuata açıqlama verən Hacettepe Universiteti Tibb Fakültəsi Radiasiya Onkologiyası kafedrasının müdiri, prof. Gökhan Özyiğit bildirib ki, bu cihaz dünyada 18-ci, Türkiyədə isə ilk cihazdır.

Özyiğit baş-boyun xərçəngi və beyin bölgəsindəki xəstəliklərin müalicəsində istifadə ediləcək cihazın bəzi xoşxassəli şişlərin müalicəsində müsbət təsirlərə malik olduğunu açıqlayıb.

Cihaz sayəsində xəstələrin ümumi anesteziyaya ehtiyac olmadan şüurlu şəkildə müalicə ediləcəyini deyən professor Özyiğit, "Xəstələr heç bir ağrı hiss etməyəcək. Müalicə xəstəliyin vəziyyətinə görə 20 dəqiqə ilə 1 saat arasında davam edəcək. Müalicə tamamlansa, xəstələrimiz gündəlik işlərinə qayıda biləcəklər”, - söyləyib.

O, bldirib ki, cihazdakı rentgen şüaları çox yüksək enerjiyə malikdir. Belə ki, şiş hüceyrəsi dəqiq aşkar olunaraq məhv edilərkən, sağlam hüceyrə qoruna bilər.