Ağdaş Rayon Mərkəzi Xəstəxanasında Tibbi Şuranın iclası keçirilib.

Xəstəxanadan Aztibb.az-a verilən xəbərə görə, iclasda müəssisənin direktoru İntiqam İbrahimov açaraq Tibbi Şuranın gündəliyinə daxil edilmiş mövzular ətrafında danışıb.

Şurada Ağdaş RMX-nın texniki bazasının möhkəmləndirilməsi, əhaliyə göstərilən tibbi xidmətlərin keyfiyyətinin daha da yüksəldilməsi və xəstəxanaya yeni ixtisaslı həkim mütəxəssislərin cəlb edilməsi yolu ilə göstərilən tibbi xidmətlərin sayının artırılması istiqamətində görülmüş tədbirlər müzakirə edilib.

Həmçinin Ağdaş rayonunda vərəm xəstəliyinə qarşı aparılan profilaktik tədbirlər, rayonda DOTS proqramının tətbiqi, 2023-cü ildə parazitoloji işlərə aid görülmüş işlər, yerinə yetirilmiş narkomaniya və alkoqolizmlə mübarizə tədbirləri, eləcə də rayonda polimielit və difteriya xəstəliyi ilə mübarizədə profilaktik tədbirlərin gücləndirilməsi, polimielitdən azad statusun saxlanılması, rayon tibb müəssisələrinin 2023-cü ilə aid hesabatlarının nəticələrinə dair mövzular müzakirə edilib.

Sonda İntiqam İbrahimov Şuraya yekun vuraraq, qarşıda duran məsələlərdən danışıb və struktur bölmələrə öz tapşırıqlarını verib.