Elm və Təhsil Nazirliyinin Aşqarlar Kimyası İnstitutunun aparıcı alimlərinin Türkiyədən olan həmkarları ilə beynəlxalq səviyyədə canlı orqanizmlərin bəzi patoloji proseslərinin yeni nəsil inhibitorlarının yaradılması istiqamətində həyata keçirdikləri elmi tədqiqatın mühüm nəticələri “Web of Science” bazasında arxivləşdirilən “Macromolecular Research” jurnalında dərvc olunub

İnstitutdan Aztibb.az-a bildirilib ki, Q2 kateqoriyalı impakt faktoru 2.4 olan "Macromolecular Research” jurnalı dünyaca məşhur “Springer Nature” nəşriyyatının jurnalıdır.

Alimlər tiokarbamid və feniltikarbamidin funksional olaraq əvəz edilmiş törəmələrindən istifadə etməklə α-qlikozidaza, α-amilaza və AR fermentlərinə qarşı effektiv inhibə fəallıqlarına malik yeni nəsil inhibitorlar yaratmışlar. Bu birləşmələr antidiabetik dərman potensialına malikdir. Çünki onlar yuxarıda adları qeyd olunan fermentlərin selektiv inhibitorlarıdır.