ABŞ və Tayvandan olan tədqiqatçılar qrupu süd vəzisi xərçəngini effektiv şəkildə aşkarlaya bilən tüpürcək testi hazırlayaraq tibbi bir irəliləyişə imza atıblar.
Aztibb.az-ın medimagazin.com.tr-yə istinadla xəbərinə görə, tədqiqatın nəticələri Journal of Vacuum Science & Technology B-də çap olunan “Döş xərçəngi biomarkerlərini aşkar etmək üçün yüksək həssas tüpürcək əsaslı biosensor: HER2 və CA15-3” başlığı məqalədə əksini tapıb.
Florida Universiteti və Tayvanın Milli Yang-Ming Chiao Tung Universitetinin tədqiqatçıları kiçik bir tüpürcək nümunəsindən döş xərçəngi biomarkerlərini aşkarlaya bilən məmə xərçəngi skrininq cihazının uğurlu nəticələrini ortaya qoyublar.
Tüpürcək nümunəsi zolağa yerləşdirilir və biosensor cihazındakı elektrik kontaktlarına elektrik impulsları göndərilir. Bu impulslar biomarkerlərin antikorlara bağlanmasına və elektrodda yük və tutumun dəyişməsinə səbəb olur. Bu, ölçülə bilən və nə qədər biomarkerin mövcud olduğu barədə rəqəmsal məlumata çevrilə bilən çıxış siqnalında dəyişiklik yaradır.