Mərkəzdən Aztibb.az-a bildirilib ki, o, 2011-2017-ci illərdə Azərbaycan Tibb Universitetində Müalicə işi fakültəsində təhsil alıb. 2017-2021-ci illərdə Respublika Klinik Xəstəxanadasında rezident-həkim kimi fəaliyyət göstərib. 2018-2020-ci illərdə Uşaq Nevroloji Xəstəxanasında pediatrik nevrologiyası üzrə uzun müddətli rotasiya keçib. 2021-2024-cü illərdə Respublika Perinatal Mərkəzində Yenidoğulmuşların intensiv terapiya bölməsinin uşaq nevroloqu vəzifəsində çalışıb.

 

Ülkər Mürsəlova 2021-ci ildə Birləşmiş Ərəb Əmirliklərində yerləşən “Neuropedia Children’s Neuroscience Center”də, “Iranian Hospital – Dubai”da nevrologiya və uşaq nevrologiyası üzrə, 2022-ci ildə Türkiyənin İstanbul şəhərində “Bezmialem Vakıf Universitesi”ndə pediatrik nevrologiya üzrə rotasiya keçib. 2023-cü ildə İsraildə yerləşən Rambam Hospitalında 3 aylıq təkmilləşmə kursu keçib.

 

2023-cü ildə tibb üzrə fəlsəfə doktoru elmi dərəcəsi almaq üçün “Kəllədaxili qeyri-travmatik qansızmaların yenidoğulmuşlar arasında yayılması, klinik formaları, risk amiləri və neonatal itkilər” adlı dissertasiya işini uğurla müdafiə edib.

 

Həkim Azərbaycan Uşaq Nevroloqlar Assosiasiyası, Avropa Uşaq Nevrologiyası Cəmiyyəti, eləcə də Avropa İnsult Təşkilatının üzvüdür.