Rusiya Prezidenti Vladimir Putin paytaxt Moskvada keçirilən “Gələcəyin Texnologiyaları Forumu” tədbirində çıxış edib. Putin tədbirdə "Xərçəngə qarşı peyvəndlər və xərçəng peyvəndi olaraq bilinən immunitet sistemini tənzimləyən yeni nəsil dərmanlar istehsal etməyə başlamışıq. Ümid edirəm ki, onlardan çox yaxında fərdi müalicə metodları kimi effektiv istifadə olunacaq", - deyib.
Bu barədə Aztibb.az medimagazin.com.tr-yə istinadla bildirir.
Rusiyada son 5 ildə 500-dən çox xərçəng müalicəsi mərkəzinin açıldığına diqqət çəkən Putin qeyd edib ki, ölkədə diaqnostika, müalicə və reabilitasiya ilə bağlı yüksək standartlar qurulub. Bunun nəticəsində onkoloji xəstələrin yarıdan çoxunda bu xəstəlik ilkin mərhələdə aşkarlanıb.
O, həmçinin Rusiyada COVID-19 epidemiyası zamanı “Sputnik V” və “Sputnik Light” kimi peyvəndlərinin bəzi ölkələrə göndərildiyini söyləyib.
