Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutunda Gənc Tədqiqatçılar Birliyinin təşkilatçılığı və xaricdə təhsil alan azərbaycanlıların iştirakı ilə “Elmin aktual sahələri” mövzusunda I onlayn konfrans keçirilib.

 

İnstitutdan Aztibb.az-a verilən xəbərə görə, konfransı giriş sözü ilə səhiyyə nazirinin müavini Nadir Zeynalov açaraq tədbirin əhəmiyyətini qeyd edib.

 

Sonra institutun direktoru, professor Adil Allahverdiyev çıxış edərək ölkədə elmin inkişafı üçün yaradılan münbit şəraitdən danışıb, ən çətin məsələlərin həllində elmin rolundan bəhs edib. O, gənc alimlərin gələcəkdə Azərbaycan elminin inkişaf etməsinə öz töhfələrini verəcəklərinə əminliyini ifadə edib. 

 

Konfransda İtaliya, İngiltərə, Almaniya, ABŞ və Türkiyədə elmi tədqiqatlar aparan gənc tədqiqatçıların molekulyar-biologiya, genetika, kök hüceyrə, biotexnologiya istiqamətlərində aparılan aktual tədqiqatlarının nəticələri təqdim olunub.

 

Sonda Azərbaycan elminin müasir inkişaf göstəriciləri, mövcud və gələcək prioritetləri, bu sahənin tərəqqisinə dair geniş müzakirələr aparılıb.