Mərkəzdən Aztibb.az-a bildirilib ki, tədbirdə KTM-in, eləcə də tabeli müəssisələrin tibb personalı, işçi heyəti iştirak edib.

 

Əməyin mühafizəsi bölməsinin müdiri Sənan Həsənov yanğın hadisələrinin baş vermə səbəbləri, qarşısının alınması yolları, həmçinin yanğın zamanı zəruri davranış qaydaları barədə məlumat verib.

 

Bildirilib ki, bu istiqamətdə mütəmadi olaraq tədbirlər, monitorinqlər keçirilir, yanğın və digər təhlükəli hallarda davranış qaydaları, sağlamlığın qorunması mexanizminin yaradılması ilə bağlı maarifləndirmə işləri aparılır.

 

Tədbir çərçivəsində ilkin yanğınsöndürmə vasitələrindən istifadə qaydaları əyani şəkildə nümayiş etdirilib.

 

Sonda mövzu ilə bağlı müzakirələr aparılıb, iştirakçıları maraqlandıran suallar cavablandırılıb.