Mərkəzdən Aztibb.az-a verilən məlumata görə, Fatma Səttarova “dərin venaların trombozu” diaqnozu ilə ağır vəziyyətdə tibb müəssisəsinə müraciət edib. Müxtəlif şikayətlərdən əziyyət çəkən xəstə tətbiq olunan müalicələrdən sonra qısa zaman ərzində sağlamlığına qovuşub.

 

Gəldiyi ilk gündən Fatma Səttarovanın müalicəsi Bakı Sağlamlıq Mərkəzinin icraçı direktoru, dos. Asiman Həsənov tərəfindən nəzarətə götürülüb. Müalicənin sonlarına doğru xəstənin ümumi vəziyyəti ilə yaxından tanış olmaq üçün Asiman Həsənov palatanı ziyarət edərək Fatma xanımla həmsöhbət olub.

 

Bakı Sağlamlıq Mərkəzinin Terapiya şöbəsinin rəhbəri Zakir Quliyev, damar cərrahı Əşrəf Həsənzadə və radioloq Cavid Əhmədov tərəfindən müalicəsi aparılan Fatma Səttarova yaxın günlərdə evə yazılacaq.

 

Bu uğurlu komanda işi sayəsində sağlamlığına qovuşan Fatma xanım müalicəsində əməyi keçən bütün komanda üzvlərinə təşəkkürünü bildirib O, Bakı Sağlamlıq Mərkəzində göstərilən tibbi xidmətlərin səviyyəsindən tam razılığını dilə gətirərək, xalqımızın sağlamlığının keşiyində duran tibb ocağının fəaliyyətində uğurlar arzu edib.

 

Qeyd edək ki, İkinci Dünya müharibəsinin unudulmaz, hər zaman böyük qayğı və sevgi ilə yad edilən veteranlarından olan Fatma Səttarovanın ölkəmizin ictimai-siyasi və mədəni həyatında da böyük xidmətləri var. O, “İstiqlal” ordeni ilə təltif edilib.