"Həkimlərimizi tanıyaq!" rubrikasında söz açacağımız mama-ginekoloq Qasımova Zeynəb Səftər qızı Qəbələ rayonunun sevilən-seçilən təbiblərindən biridir. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

Zeynəb Qasımova 1970-ci ildə Qəbələ rayonunun Həmzəlli kəndində anadan olub. 1988-1994-cü illərdə Azərbaycan Tibb Universitetinin Müalicə profilaktika fakültəsində təhsil alıb. 1994-cü ildə Doğum evinin Qadın Məsləhətxanasında mama-ginekoloq vəzifəsində çalışıb. 1994-1995 -ci illərdə Qəbələ Rayon Mərkəzi Xəstəxanasında internatura keçib.

O, 2009-2014-cü illərdə Qəbələ RMX-nın Mama-ginekologiya şöbəsinin müdiri vəzifəsində çalışıb. Hazırda Qəbələ Rayon Mərkəzi Xəstəxanasının Ginekologiya və Doğum şöbəsində mama-ginekoloq kimi fəaliyyət göstərir.