Mərkəzdən Aztibb.az-a bildirilib ki, pasiyent Z. Məmmədov 03.12.2023-cü il tarixində saat 14:45 radələrində ağır vəziyyətdə təcili və təxirəsalınmaz tibbi yardım briqadası ilə Nərimanov Tibb Mərkəzinin Acil şöbəsinə gətirilib. Daxil olarkən onda boğulma, tənəffüs çatmazlığı, nitqin və udqunmanın pozulması, afoniya və ətraflarda hərəkət məhdudluğu müşahidə olunub.

Pasiyent onun həyatını xilas edən tibbi heyətə təşəkkür məktubu ünvanlayıb. Məktubda deyilir: “Məni rayonumuzdan çox ağır, ölümcül vəziyyətdə bura gətiriblər. Məhz buradakı həkimlər məni sağaltdı, yaşamağa ümid, güc verdi. Mənim maddi durumum heç o dərmanları almağa yetmirdi. Nə yaxşı ki, belə xəstəxanalar, belə həkimlərimiz var. Mən oradakı hər bir həkimə, tibb bacısına, hər bir kəsə mənə göstərdikləri xüsusi diqqət və qayğıya görə təşəkkür edirəm”.