TƏBİB-in dəstəyi ilə Akademik M.Ə. Mirqasımov adına Respublika Klinik Xəstəxanasında “Ürək çatışmazlığının idarə olunmasında kardiak və qeyri-kardiak məqamlara yanaşma” adlı elmi-praktik tədbir keçirilib.

Xəstəxanadan Aztibb.az-a bildirilib ki, tədbirdə TƏBİB, Bakı Baş Səhiyyə Mərkəzinin və Respublika Klinik Xəstəxanasının həkim-terapevt və həkim-kardioloqları iştirak edib.

TƏBİB-in Davamlı tibbi təhsil şöbəsinin əməkdaşı Şəbnəm Qurbanova və Respublika Klinik Xəstəxanasının Kardiologiya şöbəsinin müdiri Fərqanə Mahmudova həkimlərin maarifləndirilməsi baxımdan bu cür tədbirlərin keçirilməsininin əhəmiyyətini vurğulayıblar.

Daha sonra Respublika Klinik Xəstəxanasının Kardiologiya şöbəsinin həkim-kardioloqu Mehriban İsgəndər ürək çatışmazlığının idarə olunması ilə bağlı ən son məlumatları auditoriyanın diqqətinə çatdırıb.

Tədbirin sonunda maraq doğuran müxtəlif suallara aydınlıq gətirilib.