Bakı Sağlamlıq Mərkəzində Türkiyədən gəlmiş professor həkim heyəti ilə görüş keçirilib.

Bu məlumat Aztibb.az-a Mərkəzdən verilib.

Görüşdə İstanbul “Breast Health Center”-in rəhbəri prof. Cem Yılmaz, “Sapiens Genetik Hastalıklar Değerlendirme Merkezi”-nin əməkdaşları - prof. Vildan Caner, prof. Ozan Çetin, prof. Görkem Yaman, dr. Deniz Dehni və laboratoriyanın rəhbəri, “T.C. Demiroğlu Bilim Üniversitesi” professoru Kanay Yararbaş, eləcə də qadın doğum uzmanı, prof. Murat Naki və ortoped prof. Kubilay Beng iştirak ediblər.

Görüşdə Azərbaycan və Türkiyə qardaşlığı, ölkəmizdə görülən işlər barədə müzakirələr aparılıb.

Bakı Sağlamlıq Mərkəzinin icraçı direktoru, dos. Asiman Həsənov Mərkəzin mövcud potensialı və gələcəkdə görüləcək işlər barədə qonaqlara ətraflı məlumat verib. Görüş zamanı təşkilati quruluş, idarəetmə strukturları, pasiyentlərin müraciət proseduru, tibbi avadanlıqlar, klinikanın ictimai imici, rəqabət mənzərəsi, beynəlxalq fəaliyyəti istiqamətində mövzular müzakirə olunub.

Sonra qonaqlar klinikada xidmət göstərən “Bakı Süd Vəzi Mərkəzi”nə baxış keçirib, orada görülən işlər və göstərilən tibbi xidmətlərlə tanış olublar.

“Bakı Süd Vəzi Mərkəzi”nin fəaliyyəti ilə yaxından tanış olan türkiyəli qonaqlar təcrübə mübadiləsi çərçivəsində öz təkliflərini səsləndiriblər.