Laboratoriya xəstəxananın zəruri və ən vacib sahələrindən biridir. TƏBİB-in tabeliyində fəaliyyət göstərən Ağcabədi Rayon Mərkəzi Xəstəxanasının (RMX) Laboratoriya şöbəsi yenidən qurularaq, müasir avadanlıqlarla təchiz olunub.
Aztibb.az-a Ağcabədi RMX-dan verilən məlumata görə, Laborotoriya şöbə müdiri Səmayə Allahverdiyeva bildirib ki, rəhbərlik etdiyi şöbədə istifadə olunan bütün avadanlıqlar beynəlxalq standartlara uyğundur.
Vətəndaşlar tibb müəssisəsinin laborator xidmətlərindən artıq rahat şəkildə istifadə edə bilərlər. Ağcabədi Rayon Mərkəzi Xəstəxanası vətəndaşlara keyfiyyətli xidmət və analiz nəticələrində dəqiqlik barəsində zəmanət verir.
Müayinələrin hər birinin ayrıca təlimatı hazırlanır və analizlər həmin təlimat əsasında həyata keçirilir. Müasir analizatorlarla təchiz olunmuş laboratoriyada daxili nəzarət sistemi də mövcuddur.
Laborator müayinələrin nəticəsi əsasında gizli gedişə malik xəstəliklərin aşkarlanması, hər hansı patoloji prosesin olub-olmaması, xəstəliklərin müxtəlif inkişaf və sağalma mərhələlərini kontrol etmək mümkündür.
Aparılacaq analizlər həkim göndərişləri əsasında həyata keçirilir.
Gündəlik aparılan müayinələrin hər birinin ayrıca təlimatı hazırlanır və analizlər həmin təlimat əsasında həyata keçirilir. Bundan əlavə, hər bir pasiyentə verilən nəticənin düzgünlüyünə əmin olmaq üçün laboratoriyamızda aparılan bütün testlər pasiyentlərə təqdim olunmadan öncə yenidən xüsusi sistem əsasında təkrarın yoxlanılır.
Test nəticələri izahlı şəkildə pasiyentlərə təqdim edilir.
