Məlumdur ki, 7 fevral növbədənkənar Azərbaycan Respublikası Prezidenti seçkiləri günüdür. Hazırda respublikanın hər yerində olduğu kimi, Mərkəzi Klinikada da bu tarixi günə ciddi hazırlıq görülür.

 

Mərkəzi Klinikadan Aztibb.az-a bildirilib ki, bu məqsədlə keçirilən iclasda baş direktor Həsən Qəndilov xəstəxanada seçkilərə hazırlıq işləri ilə bağlı geniş məlumat verib. Həsən Qəndilov bildirib ki, 2024-cü il fevralın 7-də ölkəmizdə keçiriləcək növbədənkənar Prezident seçkiləri müstəqil Azərbaycanın tarixinə düşəcək bir hadisə olacaq. Bunun da əsas səbəbi 30 ildən sonra ərazi bütövlüyümüzü və suverenliyimizi tam bərpa etməyimizdir. 

 

Baş direktor vurğulayıb ki, Azərbaycan xalqı tarixdə ilk dəfə olaraq ərazi bütövlüyü və suverenliyi tam bərpa edilən şəkildə seçkidə iştirak edəcək. Müstəqil Azərbaycanın tarixində ilk dəfə olaraq seçkilər bütün ölkə ərazisində, o cümlədən işğaldan azad edilmiş kənd və şəhərlərimizdə keçiriləcək. Azərbaycan xalqı tarixdə ilk dəfə olaraq qalib ölkə vətəndaşı kimi seçkilərdartə iştirak edəcək.

 

"Mərkəzi Klinika kollektivi də bu tarixi hadisənin məsuliyyətini dərk edərək seçki prosesinə çox fəal hazırlaşmışdır," - deyən Həsən Qəndilov qeyd edib ki, xəstəxanada seçki günü stasionar şəraitdə müalicə alan xəstələrin və iş növbəsində olan əməkdaşların səsvermə hüququnun tam təmin edilməsi üçün 43 saylı seçki məntəqəsi yaradılıb. Məntəqə seçki komissiyasının sədri, üzvləri və katibləri, habelə seçkiləri yaxından müşahidə edəcək muşahidəçilər seçki qanunvericiliyinə müvafiq olaraq müəyyən edilib. Məntəqənin fəaliyyəti üçün müvafiq səsvermə otağı ayrılıb, otaq zəruri təşviqat materialları, texniki və metodiki vasitələrlə təmin edilib, məlumatlandırıcı və maarifləndirici lövhələr asılıb. Seçicilərin öz iradələrini azad, şəffaf və gizlin ifadə etmələri üçün seçki kabinələri və qutuları yerləşdirilib.

 

Həsən Qəndilov xəstəxananın əməkdaşlarını və xəstələri seçki günü səsvermə hüququndan istifadə etməyə və fəal olmağa çağırıb. O, çıxışının sonunda 7 fevralın - milli həmrəyliymizin daha bir təntənəsi olacağına, Azərbaycan xalqının yenə də möhtərəm Prezidentimiz İlham Əliyevə, yəni qalibiyyətə, sabitliyə, tərəqqiyə səs verəcəyinə inandığını əminliklə ifadə edib.