Qubadlı Rayon Mərkəzi Xəstəxanasında həkim-pediatr Sevda Cavadovanın 70 illik yubileyi və əmək fəaliyyətinin 42 illiyi münasibətilə tədbir keçirilib.

 

Aztibb.az-a Xəstəxanadan verilən məlumata görə, tədbirdə RMX-nın direktoru Yaşar Həsənov çıxış edərək Sevda Həsənovanı təbrik edib və onun biliyi, təcrübəsi, peşəkarlığı və şəxsi keyfiyyətləri ilə hörmət qazandığını bildirib.

 

Daha sonra yubilyarla illərdir çiyin-çiyinə çalışan həmkarları öz təbriklərini çatdırıblar. 

 

Tədbirdə Sevda Həsənova səhiyyə sahəsindəki səmərəli fəaliyyətinə görə təşəkkürnamə ilə təltif olunub.

 

O, göstərilən diqqət və qayğıya görə direktor Yaşar Həsənova və kollektivə təşəkkürünü ifadə edib.

 

Qeyd edək ki, Birinci Qarabağ müharibəsi veteranı olan Sevda Cavadova 1982-1991-ci illərdə Qubadlı Rayon Mərkəzi Xəstəxanasında həkim–pediatr işləyib. 1991-2003-cü illərdə Qubadlı Rayon Xocahan kənd Xəstəxanasında baş həkim kimi fəaliyyət göstərib. 2003-cü ildən Qubadlı Rayon Mərkəzi Xəstəxanasının fəaliyyətinin bərpa olunması ilə əlaqədar orta aylıqdan fəaliyyətə dəyişdirilib. 2019-cu ildən onun əmək müqaviləsi müddətli olaraq uzadılıb.