Birmingem Qadın və Uşaq Xəstəxanası ilə Mərkəzi Gömrük Hospitalı arasında olan əməkdaşlıq memorandumuna əsasən “Sağrı gəlişi ilə vaxtında doğuş tədqiqatı – 20 il ərzində vaginal sağrı gəlişi doğuşunun modelləşdirilməsi” mövzusunda vebinar keçirilib.

 

Bu barədə Aztibb.az-a Gömrük Hospitalından xəbər verilib.

 

Vebinarda Mərkəzi Gömrük Hospitalının Mama-ginekologiya şöbəsinin rəisi, t.ü.f.d. Təranə Bayramova, o cümlədən şöbənin digər həkim və rezidentləri iştirak ediblər.

 

Tədbirdə mövzu üzrə ən son tibbi yeniliklər barədə məlumat verən Nottingem Universitetinin fəxri professoru Jim Thornton Mərkəzi Gömrük Hospitalına göstərdiyi təşkilati dəstəyə görə təşəkkür edib.

 

Vebinar dinləyicilərin suallarının cavablandırılması vasitəsilə interaktiv şəkildə həyata keçirilib.