Qəbələ Rayon Mərkəzi Xəstəxanasının Cərrahiyyə şöbəsinin həkim-cərrahı Esmira Firdovey qızı Haqverdiyevanı "Həkimlərimizi tanıyaq!" rubrikamızda saytımızın oxucularına təqdim edirik.

 

O, 1986-cı ildə Tbilisi şəhərində anadan olub. 2005-2011-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 2012-2017-ci illərdə Topçubaşov adına Elmi-Cərrahiyyə Mərkəzində ümumi cərrahiyyə ixtisası üzrə rezidentura keçib. Bu müddət ərzində çoxsaylı elmi-praktik konfranslarda, o cümlədən XIII Beynəlxalq Cərrahiyyə Konfransında iştirak edib.

 

Esmira Haqverdiyeva 2017-ci ildən Qəbələ Rayon Mərkəzi Xəstəxanasının Cərrahiyyə şöbəsində həkim-cərrah vəzifəsində çalışır.

 

Qeyd edək ki, o, plastik və rekonstruktiv cərrahiyyə üzrə kurs keçib. Azərbaycan Kolorektal Cərrahiyyə Dərnəyinin üzvüdür.

 

Həkim, həmçinin cərrahiyyənin müxtəlif mövzularına dair 6 tezis, eləcə də Qazaxıstanın "Cərrahiyyə" jurnalında dərc olunmuş 1 məqalənin müəllifidir.