Ötən il Azərbaycanda 50,7 min şəxsə əlillik təyin olunub, I qrup əlillik təyinatı 12 082 nəfərə şamil edilib.

Aztibb.az xəbər verir ki, bunu Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov ötən ilin yekunları barədə danışarkən deyib.

Onun sözlərinə görə, əlilliyin qiymətləndirilməsi 2022-ci il iyulun 1-dən tətbiq olunan yeni meyarların sayı ötən il daha da artırılaraq 617-yə çatdırılıb. Əlillik təyinatının 10 mindən çoxu bədxassəli və onkoloji xəstəliklərlə əlaqəli olub. Sonrakı sırada isə psixoloji, sinir və göz xəstəlikləri yer tutub.