12 yaşlı uşaq sol ağciyərdə böyük ölçülü (14 sm) Exinokokk kistası (qurd kistası) diaqnozu ilə Kliniki Tibbi Mərkəzin Uşaq cərrahiyyəsi şöbəsinə yerləşdirilib.

 

Mərkəzdən Aztibb.az-a verilən məlumata görə, xəstədə ürəyin arxasında, böyük damarlarının qonşuluğunda, mediastenə yaxın yerləşmiş böyük ölçülü exinokokk kistası aşkar olunub.

 

Tibb müəssisəsində uşağın müayinələrindən sonra təcili əməliyyata alınması qərarlaşdırılıb. Çətin və riskli hesab edildiyi üçün bir neçə tibb müəssisindən Kliniki Tibbi Mərkəzə göndərilən uşağın əməliyyatı uğurla icra olunub.

 

Uzman uşaq cərrahı Aynur Qurbanovanın iştirakı ilə keçirilən əməliyyatdan sonra hər hansı ağırlaşma müşahidə edilməyib.

 

Əməliyyatın beşinci günündə aparılan müayinələrin müsbət nəticəsindən sonra xəstə tam yaxşılaşma ilə evə buraxılıb.