Baş vermiş yol-nəqliyyat hadisəsindən sonra Zaqatala Rayon Mərkəzi Xəstəxanasından Sabunçu Tibb Mərkəzinə təxliyə olunan və müxtəlif növ bədən xəsarətləri alan 1991-ci il təvəllüdlü (kişi cinsli) pasiyent üzərində ağır travmatoloji əməliyyat (qırıqların osteosintez əməliyyatı) həyata keçirilib.

 

Bu məlumat Aztibb.az-a Sabunçu Tibb Mərkəzindən verilib.

 

Bildirilib ki, Mərkəzdə yeni işə başlayan uzman travmatoloqlar Kənan Mirizadə və Səid Orucov tərəfindən icra olunan əməliyyat uğurla başa çatıb.

 

Xəstə multitravmalarla - qabırğa qırıqları, ağciyər toxumalarının kontuziyası, qismən atelektaz, döş körpücük sümüyünün önə çıxığı, aşağı ətraflarda hər iki topuğun qırığı, sol tərəfdə qamış sümüyü cisminin seqmentar qırığı, sağ əlin daraq sümüyünün qırığı diaqnozu ilə əməliyyata alınıb.

 

Hazırda pasiyentin vəziyyəti stabil qiymətləndirilir.