Yeni Klinikada şəhid Vüsal Sumbatzadənin övladı dünyaya gəlib.

Aztibb.az-a Klinikadan bildirilib ki, 39-cu həftəsində qeysəriyyə əməliyyatı ilə doğulan körpənin cinsiyyəti kişi, çəkisi 2.750 kq, boyu 50 sm-dir.

Perinatal dövrdə spesifik olan dəqiqləşdirilməmiş infeksiya diaqnozu ilə Neonatologiya şöbəsində təxminən 1 həftə müalicə alan körpə və ananın vəziyyəti qənaətbəxşdir.

Körpənin yola salınma mərasimində Yeni Klinika və YAŞAT Fondu əməkdaşları iştirak ediblər.

Qeyd edək ki, körpənin atası şəhid Vüsal Sumbatzadə Barat oğlu 19-20 sentyabr 2023-cü il tarixində Qarabağda aparılan lokal xarakterli antiterror əməliyyatları zamanı şəhid olub.