Respublika Neyrocərrahiyyə Xəstəxanasına başından xəsarət alaraq yerləşdirilən 2 yaşlı pasiyent uğurlu əməliyyatdan sonra ambulator müalicə üçün evə buraxılıb.

 

Xəstəxanadan Aztibb.az-a verilən xəbərə görə, tibb müəssisəsinə yerləşdirilən azyaşlıya ilkin yardım göstərilib, KT müayinəsində təpə sümüyünün basılmış sınığı aşkar edilib. Neyrocerrah Nicat Muştaqov və Şəhriyar Səlimli tərəfindən əməliyyat olunan azyaşlıya zəruri tibbi xidmətlər göstərilib və bir neçə gün sonra o, evə yazılıb.

 

Azyaşlının valideynləri göstərilən tibbi xidmətə görə təşəkkürünü bildirib.