TƏBİB tabeliyində fəaliyyət göstərən Yeni Klinikanın Təcili və təxirəsalınmaz tibbi yardım şöbəsinin daxili təlimlərinə start verilib.

Yeni Klinikadan Aztibb.az-a verilən xəbərə görə, ilkin olaraq Təcili və təxirəxalınmaz tibbi yardım şöbəsinin müdiri, uzman həkim Turan Tahirli, təcili tibbi yardım üzrə həkim Fəxriyyə Quliyeva tərəfindən “Təcili tibbi yardımda triaj sistemi” və “Arterial qan qazı dəyərləndirilməsi” haqqında təlim keçirilib.

Daha sonra müzakirə olunan mövzular üzrə bilik və bacarıqların yoxlanması məqsədi ilə “Kahoot” proqramı üzərindən əyləncəli bilik yarışması təşkil olunub.

Qeyd edək ki, təlimdə Təcili və təxirəsalınmaz tibbi yardım şöbəsinin bütün həkim və orta tibb heyəti iştirak edib.