Klinikadan Aztibb.az-a bildirilib ki, görüşdə TƏBİB-in Beynəlxalq əlaqələr departamentinin rəhbəri Ramin Ağayev, Yeni Klinikanın direktoru Barat Yusubov, direktor müavini, Cərrahiyyə və transplantasiya mərkəzinin rəhbəri Eldar Əhmədov, direktor müavini, Somatika və STROK mərkəzinin rəhbəri, TƏBİB-in icraçı direktorunun müşaviri Pərvin Əkbərov, direktor müavini, Reproduktiv sağlamlıq və ailə planlaması mərkəzinin rəhbəri Gülnar Nuriyeva, direktorun inzibati işlər üzrə müavini İlqar Mustafayev, direktorun iqtisadi işlər üzrə müavini Taleh Nadirov və digər əməkdaşlar iştirak ediblər.

 

Təşkil olunan tur çərçivəsində “Falk Beratung”un ictimaiyyətlə əlaqələr üzrə rəhbəri Tobias Luk, Sana Klinikasının beynəlxalq ofisinin rəhbəri Sven Heyninqer, tibbi strategiya rəhbəri Qebhard fon Kosel, tibbi strategiya üzrə meneceri Tina Kütner, kardiologiya bölməsinin rəhbəri Fabian Knabel xəstə qəbulu, diaqnostika sahələri (radiologiya, endoskopiya, ürək kateterizasiyası laboratoriyası, laboratoriya), əməliyyatxana, reanimasiya şöbəsi, normal palata, OR hazırlığı, OR, reabilitasiya və terapiya sahələri ilə tanış olublar.

 

Görüş zamanı təşkilati quruluş, idarəetmə strukturları, pasiyentlərin müraciət proseduru, müalicə xərclərinin ödənilməsi, tibbi avadanlıqlar, klinikanın ictimai imici, rəqabət mənzərəsi, beynəlxalq fəaliyyəti istiqamətində mövzular müzakirə olunub.

 

İki gün davam edən ziyarət çərçivəsində “Sana Clinic” və “Falk Beratung” şirkətlərinin nümayəndə heyəti ilə tibb müəssisəsinin tibb və qeyri-tibb əməkdaşları arasında təşkil olunan BTB görüşlər zamanı təcili və təxirəsalınmaz tibbi yardım, tibb bacısı xidmətinin təşkili, keyfiyyətin idarə olunması, kommunikasiya və marketinq, insan resursları, beynəlxalq əlaqələr istiqamətində mözvular müzakirə olunub.