Sarışan hallar nevrozu (digər adı ilə, obsessiv-kompulsiv pozuntu, OKP) İnsanın iradəsindən asılı olmadan yaranan və onda təşviş, həyacan və narahatlıq yaradan, sarışan, təkrarlanan fikirlərin (obsessiyalar) meydana çıxması və həmin fikirləri rahatlatmaq üçün müəyyən sarışan, təkrarlanan hərəkətləri (komplulsiyalar) təkrarlamağa vadar edən psixi pozuntudur.

 

Bu barədə Aztibb.az-a Mingəçevir Şəhər Mərkəzi Xəstəxanasının Poliklinika şöbəsinin həkim-psixiatrı Leyla Mustafayeva xəstəlik haqqında məlumat verərkən deyib.

Həkim bildirib ki, xəstəlik aşağıdakı əlamətlərlə müşahidə edilir:

Davamli şəkildə etdiklərini yoxlama (5,10, 20 dəfə işığı, sobanı, ütünü söndürməyi yoxlamaq);

Tez-tez və uzun müddət əl yuma (xəstəlik və çirkli olmaq qorxusu səbəbi ilə, hamamda saatlarla vaxt keçirmə);

Evin təmizliyinə böyük miqdarda vaxt ayırmaq (dezinfeksiyaedici vasitəsilərlə davamlı evi yuma);

Göz önünə düşənləri qeyri-iradi, saymaq istəyi (pilləkənləri, avtomobilləri);

Zahirindən davamlı narazı olmaq (güzgü qarşısında tez-tez qüsurların axtarışı);

Uğursuzluq qorxusu (özünə və yaxınlara görə davamlı narahat olma bu səbəbdən tez-tez yoxlama);

Münasibətlərin sonsuz analizi (ailə üzvləri, həmkarlar, dostlar ilə);

Fanatik simmetriya və səliqə istəyi (əşyalar həmişə öz yerlərində, eyni vəziyyətdə olmalıdır).

 

Leyla Mustafayevanın sözlərinə görə, obsessiv kompulsiv pozuntu uşaqlarda, yeniyetmələrdə və böyüklərdə müşahidə olunur. Bu əlamətləri müşahidə etdikdə psixiatra müraciət olunmalı və müalicə başlanmalıdır.