Quba Regional Perinatal Mərkəzində 29 həftəlik hamiləlikdən 1300 qram çəkidə dünyaya gələn körpə sağlam şəkildə evə yola salınıb.
Bu məlumat Aztibb.az-a Mərkəzdən verilib.
Bildirilib ki, riskli hamiləlik keçirən Xaçmaz rayon sakini Abdullazadə Fidan Əjdər qızı 20.11.2023 tarixində vaxtından əvvəl, hamiləliyinin 29-cu həftəsində vəziyyəti ilə əlaqədar olaraq Quba Regional Perinatal Mərkəzində təcili olaraq qeysəriyyə kəsiyi əməliyyatı olunub. Çəkisi 1300 qram olan körpə dərhal Yenidoğulmuşların reanimasiyası və intensiv terapiyası şöbəsinə köçürülüb.
Doğulan zaman körpənin vəziyyəti çox ağır qiymətləndirilib. Uşaqda ağır respirator distress sindrom müşahidə olunurdu. Körpənin ağ ciyərlərinə dövlət təminatlı Curosurf preparatı yeridilib, tənəffüs dəstəyi almışdır.
Körpə 28-ci günündə ROP müayinəsi olunub.
Hazırda körpənin çəkisi 2000 qr, aktiv əmmə refleksi, laborator və kliniki müayinələrin nəticələri normaldır. Körpə artıq evə yazılıb.