Viruslarla mübarizədə ən faydalı meyvələrdən biri də avokadodur. O, xüsusilə payız-qış mövsümdə immuniteti gücləndirmək üçün rasiona daxil edilməlidir.

Aztibb.az regnum.ru saytına istinadən xəbər verir ki, bu barədə terapevtik qidalanma və ortomolekulyar tibb üzrə məsləhətçi Marina Sergiyenko məlumat verib.

Marina Sergiyenko bildirib ki, avokado immun sisteminə inanılmaz dərəcədə müsbət təsir göstərir. Onun tərkibində bitki yağı, D və E vitaminləri, kalium, qlütation və s. var: "Günün ilk yarısında meyvəni yemək daha yaxşıdır, çünki kalorisi çoxdur, toxluq hissi verir və bədəni enerji ilə təmin edir. Yaddaşı möhkəmləndirir, ürək-damar xəstəliklərinin əmələ gəlmə səbəblərini azaldır, ürəyin düzgün işləməsini təmin edir, su-duz mübadiləsini normalaşdırır, stressə qarşı müqaviməti artırır, arterial təzyiqi aşağı salır, qanyaranmanı stumullaşdırır. Avokado həzm sistemi xəstəliklərində, xüsusən də qəbizliyin müalicəsində faydalı təsir göstərir".

Qeyd edək ki, Fransada avokado yağı əsasında hazırlanan preparat sklerodermiya, paradontoz, artroz və Pecet xəstəliklərinin müalicəsində uğurla tətbiq edilir.