Bu barədə Aztibb.az-a Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev bildirib.

 

Uzman həkim bildirib, səyrici aritmiya – ürəyin ritm pozğunluğudur. Əzələ liflərinin xaotik yığılması nəticəsində ürək yığılmalarının tezliyi dəqiqədə 350-600 olur. Bu vəziyyət 48 saatdan artıq davam edərsə, tromblaşma və işemik insultun yaranma riski yüksəlir.

 

Cabir Gülmalıyevin sözlərinə görə, adətən miokard infarktı, kardioskleroz, ürəyin revmatik qüsurları, miokardit, arterial hipertoniya, ağır formalı ürək çatışmazlığı səyrici aritmiya ilə müşayiət olunur. Dərman terapiyası ilə gözlənilən nəticə alınmadıqda kəskin vəziyyətlərdə elektrik kardioversiya (impulslu elektrik cərəyanı) tətbiq edilir. Hmçinin xroniki səyrici aritmiyası olan uyğun xəstələrdə perkutan (angioplastika, balon-stent) və ya cərrahi yolla ablasiya (aritmiyaya səbəb olan ocaqların istilik verilərək ”yandırılması”) tətbiq edilir.