Qəzza hökuməti İsraili fələstinlilərin cəsədlərini qaçırmaqda və onların həyati orqanlarını oğurlamaqda günahlandırıb və məsələ ilə bağlı müstəqil beynəlxalq istintaq komitəsinin yaradılmasını tələb edib.

Aztibb.az-ın medimagazin.com.tr-yə istinadla xəbərinə görə, hökumətin Qəzzadakı Media Ofisindən verilən yazılı açıqlamada, İsrailin 27 oktyabrda başlatdığı quru əməliyyatından sonra öldürülən və müsadirə edilən 80 fələstinlinin cəsədinin ləyaqətinin heçə sayıldığı bildirilib.

Bəyanatda Qəzzada fəaliyyət göstərən Qırmızı Xaç Təşkilatı kimi beynəlxalq təşkilatların İsrailin törətdiyi bu cür vəhşi cinayətlərlə bağlı susmasına da reaksiya verilib.