Naxçıvan Muxtar Respublikası Səhiyyə Nazirliyi və Liv Bonadea Beynəlxalq Xəstəxanasının əməkdaşlığı ilə Naxçıvan Sağlamlıq Mərkəzində növbəti tibbi aksiya keçirilib.

Aztibb.az-a Naxçıvan MR Səhiyyə Nazirliyindən verilən xəbərə görə, aksiyada Hospitalın uşaq ürək damar cərrahı, uzman həkim Şiraslan Baxşəliyev, uşaq kardioloqu, uzman həkim Bəhruz Əliyev, uşaq cərrahı, uzman həkim Fərid Xanməmmədov və uşaq revmatoloqu, uzman həkim Vəfa Quliyeva iştirak edirdilər.

Artıq ənənə halını alan humanitar aksiyalardan -muxtar respublikada yararlananların məmnuniyyəti aksiyaların əhəmiyyətini daha da artırır. Bu dəfəki aksiyada gələcəyimiz olan uşaqların sağlamlığının qorunmasında xidməti olan həkimlər onlara göstərilən inamı doğrulduraraq 120-ə yaxın uşağın müayinəsini həyata keçiriblər.