“Həkimlərimizi tanıyaq!” rubrikamızda sizlərə pasiyentləri arasında böyük rəğbət qazanmış həkim kardioloq Almaz Məhəmməd qızı Abbasova haqqında məlumatları təqdim edirik.

 

O, 1960-cı ildə Tovuz rayonunda anadan olub. 1981-1987-ci illərdə N.Nərimanov adına Azərbaycan Dövlət Tibb Universitetinin (İnstitutunun) Müalicə işi fakültəsində təhsil alıb. 1987-1989-cu illərdə 3 nömrəli Sabunçu şəhər xəstəxanasında ordinatura keçib.

 

Almaz Abbasova 1993-1995-ci illərdə Azərsutikinti xəstəxanasının Fizioterapiya şöbəsində fizioterapevt əvəzedicisi, 1995-1999-cu illərdə həmin xəstəxananın Kardiologiya şöbəsində həkim-kordioloq, 1999-2008-ci illərdə funksionolist-kardioloq, 2008-2023-cü ilin fevral ayına qədər ümumi heyətin həkim kardioloqu vəzifələrində çalışıb. 2023- cü ilin fevral ayından Nizami Tibb Mərkəzinin Poliklinika şöbəsində həkim-kordioloq kimi fəaliyyətini davam etdirir.