Ümumdünya Səhiyyə Təşkilatı (ÜST) 2022-ci ildə dünyada təxminən 249 milyon malyariya hadisəsinin aşkar ediləcəyini bildirib.

Aztibb.az-ın medimagazin.com.tr-yə istinadla xəbərinə görə, bu məlumat ÜST-nin “2023-cü il Dünya Malyariya Hesabatı”nda yer alıb. Hesabatda deyilir ki, uşaqlarda və hamilə qadınlarda malyariya xəstəliyinin qarşısının alınmasında irəliləyişlərə və dərmanlara çıxış imkanlarının genişləndirilməsi istiqamətində atılan addımlara baxmayaraq, daha çox insan malyariyaya yoluxub.

Qeyd olunub ki, 2022-ci ildə dünyada təxminən 249 milyon insan malyariyaya yoluxub: "Qlobal miqyasda dünya malyariya ilə mübarizə, eləcə də COVID-19-un yaratdığı fəsadlar, həmçinin dərmanlara qarşı müqavimət, humanitar böhranlar, resurs məhdudiyyətləri, iqlim dəyişikliyinin təsiri və xəstəlik yükü yüksək olan ölkələrdə proqramın icrasında gecikmələr kimi artan sayda təhlükələrlə üzləşir." 

Hesabatda 2022-ci ildə Pakistanda baş verən daşqınların ölkədə malyariya hadisələrinin 5 qat artmasına səbəb olduğu vurğulanıb.