Güclü təsirə malik sarıkökdən min illər boyu müalicə məqsədilə istifadə edilib. Alimlər müəyyən ediblər ki, sarıkök 600-dən artıq profilaktik və müalicəvi xassəyə, 175 müsbət fizioloji təsirə malikdir. Onun müalicəvi xassələri və komponentləri beş mindən artıq bioloji tibbi tədqiqatların mövzusu olub.

Sarıkök təbii antibakterial vasitədir. O, maddələr mübadiləsini yaxşılaşdırır, piylənmənin qarşısını alır, xolestrolun səviyyəsini aşağı salır, qaraciyərin fəaliyyətinə müsbət təsir göstərir, prostat vəzdə olan problemləri aradan qaldırır. Həmçinin sarıkök təbii ağrıkəsici xüsusiyyətinə malikdir, bədənin ümumi tonusuna müsbət təsir göstərir, orqanizmin immun sistemini gücləndirir, qan dövranını yaxşılaşdırır. Sarıkök depressiyaya qarşı da effektli vasitədir.

Aztibb.az xəbər verir ki, bal ilə sarıkökün qarışığı orqanizm üçün xüsusilə faydalıdır. Bu birləşmə bağırsaqları çoxsaylı bakteriyalarla mübarizədə təmin edir.

Tələb olunanlar:

1 xörək qaşığı sarıkök

100 qr. bal

Hazırlanması və istifadəsi:

Qeyd edilən ərzaqları şüşə qabda qarışdırın. Soyuqdəyməniz və ya qrip varsa, bu məhluldan hər saat 1 çay qaşığı qəbul edin. İkinci gün isə hər 2 saatdan bir 1 çay qaşığı olmalıdır. Növbəti gündə eyni dozanı 3 dəfə qəbul edin. Qarışığı dərhal udmayın. O, yavaş-yavaş ağızda əriməlidir.