"Həkimlərimizi tanıyaq!" rublikamızın növbəti qonağı stomatoloq Üzeyir Hüseynovdur.
O, 1978-ci il Salyan şəhərində doğulub. 1995-2000-ci illərdə Azərbaycan Tibb Universitetinin Stomatologiya fakültəsində təhsil alıb. Neftçala Rayon Mərkəzi Xəstəxanasında internaturadan keçib.
Ü.Hüseynova 2001-2004-cü illərdə Neftçala rayon Həsənabad qəsəbəsində stomatoloq işləyib. 2005-ci ildən Neftçala Rayon Mərkəzi Xəstəxanasında stomatoloq kimi fəaliyyət göstərir.
Həkim fəaliyyəti dövründə istər ölkədaxili, istərsə də ölkəxarici seminarlarda, kurslarda iştirak edib. İmplantalogiya üzrə kursları bitirib.
O, 29.09.2020-29.12.2020-ci ildə Müdafiə Nazirliyinin əmrinə əsasən Azərbaycan Respublikasının ərazi bütövlüyü və suverenliyinin qorunması naminə 44 günlük Vətən müharibəsində (əlavə olaraq 20 gün arama tarama əməliyyatında) iştirak edib. Ölkə Prezidenti İlham Əliyevin sərəncamına əsasən “Cəbrayılın azad olunmasına görə”, "Xocəvəndin azad olunmasına görə" və "Şuşanın azad olunmasına görə" medalları ilə təltif olunub.
