Naftalan Şəhər Mərkəzi Xəstəxansında 8 noyabr - Zəfər Gününə həsr edilmiş tədbir keçirilib.
Xəstəxanadan Aztibb.az-a bildirilib ki, tədbirdə müəssisədə çalışan şəhid ailə üzvləri, qazi və müharibə iştirakçıları iştirak ediblər.
Əvvəlcə Vətən müharibəsində şəhid olan şəhidlərimizin əziz xatirəsini bir dəqiqəlik sükutla yad edilib.
Tədbiri giriş sözü ilə açan Naftalan Şəhər Mərkəzi Xəstəxanasının direktoru Samir Allahverdiyev 8 noyabr tarixinin ölkəmiz üçün mühüm bir gün olduğunu və 3 il əvvəl bu tarixdə 44 günlük müharibə ərzində şanlı ordumuz və xalqımızın birliyi, eləcə də Ali Baş Komandanın, Prezident İlham Əliyevin şücayəti ilə Şuşa şəhərinin azad edildiyini vurğulayıb.
O, tarixi qələbə münasibəti ilə Müzəffər Ordumuzu, qazilərimizi və Zəfərin qazanılmasında payı olan, müharibə dövründə fəaliyyət göstərən həmkarları təbrik edib.
Daha sonra müəssisədə çalışan şəhid ailə üzvləri, qazi və müharibə iştirakçıları Zəfər Günü münasibəti ilə Fəxri fərmanla təltif edilib.
