Şirvan Şəhər Mərkəzi Xəstəxanasında 8 noyabr - Zəfər Günü münasibətilə tədbir keçirilib.
Xəstəxanadan Aztibb.az-a bildirilib ki, tədbiri giriş sözü ilə açan Şirvan Şəhər Mərkəzi Xəstəxanasının direktoru Pərviz Rüstəmbəyov Zəfər Günü münasibətilə tədbir iştirakçılarını təbrik edib. Vurğulayıb ki, bu gün ölkəmizin tarixində ən şərəfli, ən əlamətdar bir gündür. İkinci Qarabağ müharibəsində qazanılan böyük Qələbə xalqımızın yenilməzliyinin, dövlətimizin qüdrətinin təntənəsi oldu. Azərbaycan Respublikasının Prezidenti İlham Əliyevin Ali Baş Komandanlığı ilə ordumuz 44 gün davam edən bu Vətən müharibəsində tariximizin möhtəşəm salnaməsini yaratdı.
Daha sonra çıxış edən digər tədbir iştirakçıları qalib Azərbaycan xalqının Prezident, Müzəffər Ali Baş Komandan cənab İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdiyini vurğulayıblar.
Tədbirin sonunda antiterror əməliyyatları ilə əlaqədar olaraq əməliyyat bölgəsində ezamiyyətdə olduqları müddətdə göstərdikləri xüsusi tibbi xidmətlərinə görə bir qrup tibb əməkdaşı Fəxri fərmanla təltif olunublar.
