Uzman həkim Murad Musayev Gəncə Şəhər Birləşmiş Xəstəxanasının nəzdindəki Abbas Səhhət adına xəstəxanada anestezioloq-reanimatoloq kimi fəaliyyətə başlayıb.
Bu məlumat Aztibb.az-a Gəncə ŞBX-dan verilib.
Bildirilib ki, Murad Musayev 12 oktyabr 1987-ci ildə anadan olub. O, 2004-2010-cu illərdə Naxçıvan Dövlət Universitetinin Pediatriya fakültəsində ali təhsil alıb. 2010-2011-ci illərdə Türkiyənin Kayseri şəhərindəki Erciyes Universitetinin Anesteziologiya və reanimatologiya şöbəsində internatura kursu keçib. 2011-2012-ci illərdə Naxçıvan Mərkəzi Xəstəxanasında, 2016-2018-ci illərdə isə Şəki Rayon Mərkəzi Xəstəxanasında anestezioloq-reanimatoloq kimi fəaliyyət göstərib. 2017-2022-ci illərdə Türkiyənin Kayseri şəhərindəki Erciyes Universitetinin Tibb fakültəsində təhsilini davam etdirərək uzmanlıq dərəcəsi alıb.
