Gəncə şəhər Səhiyyə İşçiləri Həmkarlar İttifaqı Şurası 8 noyabr - Zəfər Günü münasibətilə tədbir keçirib.

Bu  barədə Gəncə Şəhər Birləşmiş Xəstəxanasından Aztibb.az-a bildirilib.

İlk olaraq, şəhidlərin əziz xatirəsi bir dəqiqəlik sükutla yad edilib.

Tədbiri Gəncə Şəhər Birləşmiş Xəstəxanasının direktoru İlkin İsmayılov açaraq iştirakçıları tarixi Zəfər Günü münasibətilə təbrik edib, Azərbaycan Ordusunun Vətən müharibəsində göstərdiyi qəhrəmanlıqlardan danışıb.

Gəncə şəhər Səhiyyə İşçiləri Həmkarlar İttifaqı Şurasının sədri Güllər Süleymanova Gəncə şəhər səhiyyə müəssisələrində çalışan müharibə veteranları, iştirakçıları və əlillərinə, eyni zamanda Tibb Kollecində təhsil alan Vətən müharibəsi iştirakçılarına ümumilikdə 84 nəfərə qiymətli hədiyyələr təqdim edib.