Qazaxıstanın Almatı şəhərində 2-3 noyabr 2023-cü il tarixlərində Orta Asiya Regional İqtisadi Əməkdaşlıq (CAREC) ölkələrinin Səhiyyə işçi qrupunun 5-ci iclası keçirilib.

Bu əməkdaşlıq çərçivəsində ölkəmizi Səhiyyə Nazirliyi və İcbari Tibbi Sığorta üzrə Dövlət Agentliyinin nümayəndələri təmsil ediblər.

Səhiyyə Nazirliyindən Aztibb.az-a bildirilib ki, iki gün davam edən tədbirdə CAREC -2030 Səhiyyə Strategiyası əsasında CAREC ölkələrinin təqdimatları dinlənilib, kadr potensialının hazırlanması və gücləndirilməsi, epidemioloji və laborator nəzarətinin, pandemiya və iqlim dəyişikliklərinə hazırlıq məsələləri, səhiyyənin rəqəmsallaşdırılması, iqlim dəyişikliyi, səhiyyə fəaliyyətləri üzrə müzakirələr aparılıb.

Tədbirdə Səhiyyə Nazirliyinin nümayəndələri stategiyaya müvafiq olaraq ölkə üzrə hesabatı əks etdirən təqdimatla çıxış ediblər.