Cəlilabad Rayon Mərkəzi Xəstəxanasında 44 günlük Vətən Müharibəsində şəhidlik zirvəsinə ucalmış həkim Mirlətif Ağayevin xatirəsinə həsr olunmuş anım tədbiri keçirilib.
Xəstəxanadan Aztibb.az-a bildirilib ki, əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin və şəhidlərimizin ruhu bir dəqiqəlik sükutla yad edilib.
Tədbirdə Cəlilabad Rayon Mərkəzi Xəstəxanasının direktoru Elnur Azadxanov şəhid həkimin həyat yolundan danışıb, M.Ağayevlə bağlı xatirlələrini bölüşüb.
Anım tədbirində Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi, şanlı Ordumuzun gücü ilə Vətən müharibəsi zamanı Zəfər qazandığımız, torpaqlarımızın işğaldan azad olunduğu vurğulanıb. Qeyd edilib ki, biz Qələbəmizlə daim qürur duyuruq. Ölkəmizin ərazi bütövlüyü naminə canlarından keçən Vətən övladlarının əziz xatirəsi daim ürəklərdə yaşayacaq.
Sonda Mirlətif Ağayevə həsr olunan videoçarx nümayiş etdirilib.