TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova işğaldan azad olunan torpaqlarımızda əhalinin sağlamlığının qorunması istiqamətində görülən işlərin, eləcə də həmin torpaqlara köçürülən sakinlərin tibbi müayinələrinin təşkilinin hər zaman TƏBİB-in diqqətində olduğunu deyib.

Aztibb.az xəbər verir ki, departamentinin rəhbəri bu barədə “Medinex” sərgisinin mətbuat konfransında bildirib.

O, Ağalı sakinlərinin tele-tibb vasitəsilə onlayn konsultasiyasının icra ediləcəyini deyib: “Qeyd edim ki, Ağalı Ailə Sağlamlıq Mərkəzində tele-tibb sistemi vasitəsilə xəstənin qanında arterial təzyiq, oksigen təchizatı, triqleserin və şəkər ölçülür, ürək ritmi, dəri örtüyü və göz bəbəyinin görüntüsü əldə edilir. Cihazlardan toplanan məlumatlar xüsusi planşetlə platformaya ötürülür, ürək, ağciyər, böyrək, dalaq, lor (qulaq, burun, boğaz), dermatoloji xəstəliklərin, həmçinin qalxanabənzər və mədəaltı vəzin müayinəsində istifadə edilir”.