Koç Sağlamlıq Qurumları öz bilik və təcrübəsini heyvan sağlamlığı sahəsinə gətirərərk "VetAmerican" xəstəxanasını istifadəyə verib.

Bu barədə Aztibb.az medimagazin.com.tr-yə istinadla xəbər verir.

"VetAmerican" xəstəxanasınının açılış mərasimində Koç Holdinq AŞ-nin fəxri sədri və İdarə Heyətinin üzvü Rəhmi Koç, Koç Holdinq İdarə Heyətinin üzvü İpek Kıraç, Koç Holdinqin baş direktoru Levent Çakıroğlu, İstanbul valisi Davud Gül, İstanbul Böyükşəhər Bələdiyyə Başçısı Əkrəm İmamoğlu, Kağıthane rayon valisi Niyazi Erten, Kağıthane Bələdiyyə Başçısı Mövlud Öztekin və İstanbul Cerrahpaşa Universitetinin rektoru, prof. Nuri Aydın iştirak ediblər.

Açılışda çıxış edən Koç Sağlamlıq Qurumlarının baş direktoru Erhan Bulutcu bildirib ki, keyfiyyətli səhiyyə bütün canlılar üçün əlçatan olmalıdır. Ən müasir texnologiyaları yenilikçi bir yanaşma ilə bir araya gətirdiyimiz xəstəxana hazırda baytarlıq sağlamlığı xidmətləri sahəsində qabaqcıldır.

Diqqətə çatdırılıb ki, xəstəxanada 2-si təcili, 4-ü əməliyyat otağı olmaqla 15 müayinə otağı var. Türkiyədə ilk dəfə bir səhiyyə müəssisəsinin damı altında xidmət göstərəcək "VetAmerican"ın işlərini öz sahəsində mütəxəssis olan böyük bir baytar heyəti ilə həyata keçirəcək.

Avropanın ən böyük özəl heyvan xəstəxanalarından biri olan, 7500 kvadrat metr qapalı sahəsi olan, 8 mərtəbədən ibarət VetAmerican, müasir texnologiyası və yanaşması ilə Türkiyənin ən böyük özəl heyvan xəstəxanası olaraq baytarlıq xidmətlərində liderlik etməyi hədəfləyir.